Fundir og ráðstefnur

Þegar velja þarf stað fyrir fund eða ráðstefnu er að mörgu að hyggja. Gistiaðstaða, fundasalir og samgöngur eru allt þættir sem vega þungt í­ staðarvalinu. Aðdráttarafl staðarins og vonin um að fundagestir fari ánægðir heim eru einnig mikilvægir þættir. Þeir sem halda fundi á Ísafirði eru sammála um að það sé öðruví­si upplifun að koma til Vestfjarða. Ísafjörður er því­ kjörinn staður til þess og njóta stórbrotinnar náttúru og kynnast vinalegu fólki í­ bland við vinnu. Það er gott að brjóta vinnuna upp af og til og blanda þessu tvennu saman.

Við bjóðum þeim sem þurfa að halda fund eða ráðstefnu aðstoð við skipulagningu dagskrár, skráningu og bókanir gesta, útvegun dægradvalar, auk þess að annast akstur gesta til og frá flugvelli eftir þörfum, gistingu og veitingar. Við skipuleggjum dvölina með hæfilegri blöndu af vinnu og óvæntum uppákomum og leggjum áherslu á að faglært og vant starfsfólk skipi hverja stöðu svo ferðin verði sem ánægjulegust.

Meðal ánægðra viðskiptavina okkar síðustu ár eru Verkstjórasamband Íslands, Hafnasamband Íslands, Ísafjarðarbær og fleiri. Árið 2008 munu Vesturferðir sjá um þing Skógræktarfélags Íslands.

Eftirfarandi eru upplýsingar um þá aðstöðu sem í­ boði er. Frekari upplýsingar fást hjá Vesturferðum í­ sí­ma 456-5111.